اقبال اکادمی پاکستان کی مجلس عاملہ کا ۱۳۲ واں اجلاس

اقبال اکادمی پاکستان کی مجلس عاملہ کا ۱۳۲ واں اجلاس مورخہ ۲۱ ستمبر ۲۰۲۰ء کو ۱۱ بجے ایوان اقبال کے کمیٹی روم میں منعقد ہوا۔ اجلاس کی صدارت نائب صدر اقبال اکادمی جناب ڈاکٹر شہزاد قیصر نے کی، جناب ظہیر احمد میر، خزانہ دار، جناب مرید راہیمون، جوائنٹ سیکرٹری، قومی ورثہ و ثقافت ڈویژن اسلام آباد اور پروفیسر ڈاکٹر بصیرہ عنبرین، ڈائریکٹر اقبال اکادمی پاکستان نے اجلاس میں شرکت کی۔ جبکہ اسلام آباد سے پروفیسر جلیل عالی اور پروفیسر ڈاکٹرمحمد ضیاء الحق، ڈی جی، اسلامک ریسرچ انسٹیٹیوٹ آن لائن شریک ہوئے۔ اجلاس میں اقبال اکادمی کی فعالیت پر پروفیسر ڈاکٹر بصیرہ عنبرین کی کاوشوں کو سراہا گیا۔
بین الاقوامی اقبال کانفرنس ۲۰۲۱ء و دیگر روابط عامہ کی سرگرمیوں کی منظوری دی گئی۔ علامہ اقبال کے ذاتی کتب خانہ کو ڈیجیٹلائز کرنے کے عمل میں چغتائی پبلک لائبریری سے مفاہمتی یادداشت و اکادمی کے بجٹ کی بھی منظوری دی گئی۔ اقبال اکادمی کی گورننگ باڈی کے آئندہ اجلاس کا ایجنڈا مرتب کیا گیا۔ آخر میں صدر مجلس نے تمام اراکین کا شکریہ ادا کیا۔