علامہ محمد اقبال کے ۸۶ویں یوم وفات کے موقع پر ڈائریکٹر اقبال اکادمی پاکستان ڈاکٹر عبدالرؤف رفیقی نے وفد کے ہمراہ شاعر مشرق علامہ محمد اقبال کے مزار پر حاضری دی

علامہ محمد اقبال کے ۸۶ویں یوم وفات کے موقع پر ڈائریکٹر اقبال اکادمی پاکستان ڈاکٹر عبدالرؤف رفیقی نے وفد کے ہمراہ شاعر مشرق علامہ محمد اقبال کے مزار پر حاضری دی، پھولوں کی چادر چڑھائی، فاتحہ خوانی اور علامہ اقبال کے درجات کی بلندی اور استحکام پاکستان کے لیے دعا کی۔ اس موقع پر پاکستان رینجرز کے چاک و چوبند دستے نے وفد کو گارڈ آف آنر پیش کیا۔ ڈاکٹر عبدالرؤف رفیقی نے مہمانوں کی تاثراتی کتاب میں علامہ اقبال کو خراج تحسین پیش کرتے ہوئے فارسی کے اشعار میں اپنے تاثرات قلمبند کیے۔ انہوں نے کہا کہ اقبال رحمۃ اللہ علیہ کی فکر عزت، غیرت اور جرات کے ساتھ زندگی گزارنے کے اسباق سے مزین ہے۔اکادمی کے وفد میں چوھدری فہیم ارشد، جناب وقار احمد، محمد اسحاق اور جناب طیب حیدر موجود تھے۔