مسوليني


ندرت فکر و عمل کيا شے ہے ، ذوق انقلاب
ندرت فکر و عمل کيا شے ہے ، ملت کا شباب
ندرت فکر و عمل سے معجزات زندگي
ندرت فکر و عمل سے سنگ خارا لعل ناب
رومتہ الکبرے! دگرگوں ہوگيا تيرا ضمير
اينکہ مي بينم بہ بيدار يست يارب يا بہ خواب!
چشم پيران کہن ميں زندگاني کا فروغ
نوجواں تيرے ہيں سوز آرزو سے سينہ تاب
يہ محبت کي حرارت ، يہ تمنا ، يہ نمود
فصل گل ميں پھول رہ سکتے نہيں زير حجاب
نغمہ ہائے شوق سے تيري فضا معمور ہے
زخمہ ور کا منتظر تھا تيري فطرت کا رباب
فيض يہ کس کي نظر کا ہے ، کرامت کس کي ہے؟
وہ کہ ہے حس کي نگہ مثل شعاع آفتاب!