سرورق   سوانح تصانیفِ اقبال گیلری کتب خانہ ہمارے بارے میں رابطہ

اقبال اکادمی پاکستان منسلک ادارے منسلک دانشوار اقبال سے متعلق ادارے اقبال اکادمی پاکستان - تعارف اقبال اکادمی پاکستان حکومت پاکستان کے زیر انتظام آئینی ادارہ ہے۔ اقبال اکادمی کا قیام ۱۹۵۱ء میں بطور مرکز فضیلت برائے اقبال شناسی عمل میں آیا۔ بعدازاں ۱۹۶۲ء میں اقبال اکادمی آرڈی نینس کے تحت اس کے تنظیمی ڈھانچے کو مزید تفصیل سے طے کیا گیا ۔ اس کے قیام کا بنیادی مقصد علامہ اقبال کے شعر و حکمت کا مطالعہ و تفہیم، تحقیق و تدوین، ابلاغ و تعارف اور نشر و اشاعت کا اہتمام ہے۔ ان مقاصد کے حصول کے لیے اقبال اکادمی جو کام کرتی ہے وہ درج ذیل ہیں: علامہ اقبال کی تصانیف اور افکار پر تحقیق اور بین الاقوامی زبانوں میں تراجم، مطبوعات، اطلاعیات کے منصوبے، روابط بڑھانے کا پروگرام، صدارتی اقبال ایوارڈ، ویب سائٹس، صوت و صدا، ملٹی میڈیا منصوبہ جات، اکادمی کی مطبوعات کی نمائشیں، کانفرنسیں، سیمی نار، بیرونِ ملک علامہ اقبال کا پیغام پھیلانا، تحقیق میں راہنمائی و علمی معاونت اور لائبریری کی خدمات وغیرہ اقبال اکادمی کی لائبریری اقبالیات پر جامع اور سب سے بڑا ذخیرہ ہے۔ اس کے ذخیرہ میں اہم بین الاقوامی زبانوں کے ساتھ ساتھ پاکستان کی علاقائی زبانوں میں اقبالیات اور اس سے متعلقہ موضوعات پر کتب موجود ہیں۔ ان کے ساتھ ساتھ نایاب اور قدیم مجلات اور اہم کتب بھی شامل ہیں۔ یہ لائبریری نہ صرف اکادمی کے تحقیقی منصوبہ جات کے لیے علمی و حوالہ جاتی مدد فراہم کرتا ہے بلکہ ہر سال کثیر تعداد میں طلبہ، اساتذہ اور ماہرینِ اقبال بھی اس سے استفادہ کرتے ہیں۔ اقبال اکادمی کو اپنی لائبریری کی کتب کے تفصیلی کوائف پر مشتمل پہلا کثیر اللسانی کتابدار تیار کرنے کا بےمثل اعزاز حاصل ہے۔ یہ کتابدار ۱۹۸۹ء میں تیار کیا گیا۔ گذشتہ سال اکادمی نے دنیا بھر کے طلبہ اور قارئین کی سہولت کے لیے انٹرنیٹ پر علامہ اقبال کی سب سے بڑی اور استعمال میں سہل ویب سائٹ تیار کی ہے۔ مزید معلومات کے لیے ہماری ویب سائٹ دیکھیے: www.iap.gov.pk

اقبال اکادمی پاکستان